Ambasada e Gjermanisë ofron bursa për parlamentarët ndërkombëtarë në Parlamentin gjerman

Ambasada e Gjermanisë, në bashkëpunim me Bundestagun gjerman, ofron bursa për pjesëmarrjen e parlamentarëve ndërkombëtarë në Parlamentin gjerman.
 Kjo bursë u jep mundësi kandidatëve të kualifikuar që të njihen me përvojën e qeverisjes parlamentare gjermane. Pjesëmarrësit do të njihen me shumëllojshmërinë e detyrave të kryera në zyrën e deputetit, duke filluar nga hartimi i fjalimeve apo i artikujve e deri në punën përgatitore për seancat plenare.

 

Të interesuarit duhet t’i plotësojnë këto kushte:

 

- Diplomë universiteti;

 

- Njohuri të gjuhës gjermane;

 

- Mosha më e vogël se 30 vjeç.

 

Për më shumë informacione, të enjten, më 17.10.2013, në orën 9:00, në Fakultetin e Filologjisë (Amfiteatri përballë Dekanatit) do të mbahet një takim në gjuhën gjermane dhe ju mund të merrni informacione për çdo paqartësi tuajën.

Për më shumë vizitoni faqën: www.bundestag.de/ips